منتديات محمد الرايق ترحب بكم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا


 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  سلام من اهل الجنة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MoHaMeD ElRaYeK
صاحب الموقع
صاحب الموقع
avatar


عدد المساهمات : 149
تاريخ التسجيل : 09/02/2011
العمر : 24

مُساهمةموضوع: سلام من اهل الجنة   الإثنين فبراير 14, 2011 12:32 am



رسالة من الجنة من الملاك محمد علاء مبارك الي عائلة مبارك


ازيك يامامي وحشتيني قوي انتي وبابا واخويا الصغير وجدو وتيتة وعمو جمال وكل اصحابي . مصر كلها وحشتني

ياماما يوم 25 يناير صحابي في الجنة نادولي وقالولي تعالي بسرعة يامحمد

في ناس من بلدك دخلو الجنة قولتلهم مصريين! قالو ايوة دول شهداء كمان يامحمد

جريت بسرعه معاهم اشوف الشهداء اللي

من بلدي واسلم عليهم وافتخر بيهم وكل يوم بيجي شهداء تانيين

ولما كثرو قوي يامامي وذادوا ووصلوا اكتر من 300 شهيد

قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين


روحت ياماما وقعدت معاهم علشان يحكولي عن جدو القائد واللي بيعملة واسمع بطولاتهم

ولما سألتهم هي مصر بتحارب مين وانتو استشهدتواازاي وفين ؟؟؟؟

وجدو كرمكم قبل ماتيجوا الجنة !!! بصوا لبعض ومحدش رد !!!

سألت تاني ردوا عليا مين قتلكوا ؟؟؟؟؟

واتقتلتوا برصاص اسرائيل ولا مين ؟؟؟؟؟

وجدو عمل اية في اللي قتلكوا! ولما بكيت لاول مرة لان الجنة مافيهاش حزين

قالولي لا مش اسرائيل دة رصاص مصري يامحمد حراس جدك يامحمد هما اللي قتلونا

لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي

لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا

حسيت بدفا حضنك يامامي وهما بيضموني في صدرهم

رفعت راسي وقلتلهم انتو طيبين قوي.... قالولي مش احنا بس اللي طيبين دة كل المصرين طيبين

ياماما انا مش هاسأل حصل اية ولا عاوز اسمع حاجة لكن قولي لجدو انا مش اغلي من اي واحد منهم عند مامتو

وزي ماحسيتي يوم ما انا مت اوصفيلة كل ام حاسة بأية دلوقت وقوليلة انتي لاني انا مخاصمة

ازاي هان علية كل الناس دي ومعملش حاجة لللي قتلهم

قوليلة لازم يبرد قلوب الامهات والابهات دا الابن غالي وانتي عارفة يامامي ويابابي قولو لجدو انة خلاص مبقاش ينفع يبقي رئيسها

بعد اللي حصل

جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرلة

وقبل ما اخلص كلام يامامي اهم حاجة والكلام دة لبابي وعمو جمال وجدو قبل ماتسبوها لولادها

يديروها اوي يكون يابابا في مالك انت وعمو جمال وجدو حق لمصر وللمصرين وخدتة

اوعو يابابا.... انا بحبكو ومقدرش اشوفكوا شايلين زنب زي دة اوعوا يابابا مال الشعب الطيب الغلبان الشقيان

تاخدوة معاكوا تصرفوا وتعيشوا منة بقيت حياتكوا .

اوعي يابابا اخويا الصغير ياكل ويعيش ويتربي بمال مش من حقة وفية مصرين كتير مش لاقيين.

ساعتها تبقي كتبت عليا افارق اخويا دنيا واخرة لانة لازم يتربي بمال حلال عشان اقابلة يوم في الجنة

وقول لجدو وتيتة وعمو جمال وطنط خديجة ان الجنة حلوة قوي احلي من اي حاجة

ولا اي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة ازاي وصرفتة في ايه

والسلام عليكم يا بلدي الحبيبة مصر

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohamedelrayek2010.lamuntada.com
 
سلام من اهل الجنة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات محمد الرايق ترحب بكم :: &&* أحلى المنتديات العامه *&& :: المنتدى العام-
انتقل الى: